இயக்குநர் விக்னேஷ் ராஜா இயக்கத்தில் உருவாகியுள்ள ‘கர ‘ திரைப்படத்தில் தனுஷ், மமீதா பைஜூ , கே எஸ் ரவிக்குமார் , கருணாஸ் , ஜெயராம், பிருத்வி பாண்டியராஜன் , சுராஜ் வெஞ்சரமூடு, எம் எஸ் பாஸ்கர் , ஸ்ரீஜா ரவி உள்ளிட்ட இன்னும் பல நட்சத்திரங்களும் நடித்திருக்கிறார்கள். தேனி ஈஸ்வர் ஒளிப்பதிவு செய்திருக்கும் இந்த திரைப்படத்திற்கு ஜீ வி பிரகாஷ் குமார் இசையமைத்திருக்கிறார். கிராமிய பின்னணியிலான எக்சன் என்டர்டெய்னராக தயாராக இருக்கும் இந்த திரைப்படத்தை வேல்ஸ் ஃபிலிம் இன்டர்நேஷனல் நிறுவனம் சார்பில் தயாரிப்பாளர் ஐசரி கே .கணேஷ் தயாரித்திருக்கிறார்.
எதிர்வரும் முப்பதாம் திகதியான நாளை முதல் உலகம் முழுவதும் உள்ள திரையரங்குகளில் தமிழ் – தெலுங்கு ஆகிய இரு மொழிகளில் இந்த திரைப்படம் வெளியாகவுள்ளது. இந்நிலையில் ‘கர’ திரைப்படத்தில் இடம் பெற்ற ‘ஐயா ஐயா நீயே தான் ஐயா ‘ எனத் தொடங்கும் பாடலும், பாடலுக்கான லிரிக்கல் விடியோவும் இன்று வெளியிடப்பட்டிருக்கிறது. இந்த பாடலை பாடலாசிரியர் யுகபாரதி எழுத, பின்னணி பாடகர் ஜீ வி பிரகாஷ் குமார் பாடியிருக்கிறார். கிராமிய பின்னணியில் தத்துவ பாடலாகவும்… அர்த்தமுள்ள பாடலாகவும் கதைக் களத்திற்கு பொருத்தமான பாடலாகவும் தயாராகி இருப்பதால் .. இந்த பாடல் ரசிகர்களின் மனதில் இடம் பிடித்திருக்கிறது.
