விக்ரம் நடிப்பில் ஆனந்த் ஷங்கர் இயக்கத்தில் உருவாகிறது `Chiyaan 63′ திரைப்படம். இப்படத்தின் அறிவிப்பு விக்ரம் பிறந்தநாளை முன்னிட்டு ஏப்ரல் 17ம் தேதி வெளியானது. சத்ய ஜோதி நிறுவனத்தின் தயாரிப்பில் உருவாகும் இப்படத்தின் வீடியோ புரோமோ ஒன்றும் வெளியிடப்பட்டது. இருமுகன் படத்திற்கு அடுத்து இரண்டாவது முறையாக விக்ரம் – ஆனந்த் ஷங்கர் கூட்டணி இணைகிறது.
இந்தப் படத்தில் தயாரிப்பாளர் ஷிபு தமீம்ஸின் மகளும், `வீர தீர சூரன்’ பட தயாரிப்பாளருமான ரியா ஷிபு ஒரு பாத்திரத்தில் நடிக்க நடிக்க இருப்பதாக தகவல்கள் வெளியாகியுள்ளது. ரியா ஏற்கெனவே நிவின் பாலியுடன் நடித்த `சர்வம் மாயா’ படத்தில் டெலுலு பாத்திரத்தில் நடித்து பிரபலமானவர்.
இது ஹீரோயினுக்கு முக்கியத்துவம் உள்ள கதையில்லை என்பதால் அதற்கு தகுந்தது போல ஒரு நடிகையை தேடி வருகிறார்களாம். இது தவிர முக்கியமான கதாபாத்திரங்களில் ஊர்வசி, எம்.எஸ்.பாஸ்கர் ஆகியோரும் நடிக்க இருக்கிறார்கள். முதலில் இந்தப்படத்தின் படப்பிடிப்பு மே மாதம் முதல் வாரத்தில் ஆரம்பமாகும் என சொல்லப்பட்டது. எனினும் ஜூன் முதல் வாரத்திலேயே படப்பிடிப்பு ஆரம்பமாகும் என தெரிவிக்கப்பட்டுள்ளது.
