நடிகர் தனுஷின் அரசியல் வருகை தொடர்பான விவாதங்கள் சமூக வலைத்தளங்களில் மீண்டும் கவனம் பெற்றுள்ளன.
அண்மையில் அவரது ரசிகர் மன்றத்திற்கான புதிய கொடி அறிமுகப்படுத்தப்பட்டதைத் தொடர்ந்து, தனுஷ் அரசியலுக்கு வரவுள்ளதாக பல்வேறு ஊகங்கள் சமூக வலைத்தளங்களில் பரவி வருகின்றன.
இந்நிலையில், நடிகரும் இயக்குநருமான ஆர். பார்த்திபன், தனுஷின் பிறந்தநாளை முன்னிட்டு வெளியிட்ட சமூக வலைத்தளப் பதிவில் இடம்பெற்ற சில கருத்துக்கள் அரசியல் வருகை குறித்த விவாதங்களுக்கு மேலும் முக்கியத்துவம் அளித்துள்ளன.
தனது பதிவில், தனுஷின் நடிப்பு, இயக்கம் மற்றும் தயாரிப்பு உள்ளிட்ட பல்வேறு துறைகளில் அவர் பெற்றுள்ள சாதனைகளை பாராட்டிய பார்த்திபன், அவருக்கு வாழ்த்துக்களைத் தெரிவித்துள்ளார்.
எனினும், தனுஷ் அரசியலுக்கு வருவது தொடர்பாக அவரிடமிருந்தோ அல்லது அவரது தரப்பிலிருந்தோ இதுவரை எந்தவித உத்தியோகபூர்வ அறிவிப்பும் வெளியிடப்படவில்லை என்பது குறிப்பிடத்தக்கது.
