தசுன் ஷானகவை அணியில் இணைக்க தீர்மானம்

இங்கிலாந்து அணிக்கு எதிரான ஒருநாள் தொடருக்காக தசுன் ஷானகவை மீண்டும் குழாமில் இணைக்க ஶ்ரீலங்கா கிரிக்கெட் நிறுவனம் தீர்மானித்துள்ளது.

தசுன் ஷானக கடைசியாக கடந்த 2024ஆம் ஆண்டு ஜனவரி மாதம் கொழும்பில் சிம்பாப்வே அணிக்கு எதிராக நடைபெற்ற ஒருநாள் போட்டியில் விளையாடியிருந்தார்.

அதன் பின்னர், அவர் T20 போட்டிகளுக்காக மட்டுமே இலங்கை குழாமில் அழைக்கப்பட்டு வந்தார்.

இதனிடையே, இந்தியாவுக்கு எதிரான டெஸ்ட் தொடரில் இருந்து காயம் காரணமாக விலகியிருந்த பெத்தும் நிஸ்ஸங்க மற்றும் அணித் தலைவர் குசல் மெண்டிஸ் ஆகியோரும் இங்கிலாந்து சுற்றுப்பயணத்தில் இணைந்துகொள்வார்கள் என கிரிக்கெட் வட்டாரங்கள் தெரிவித்துள்ளன.

மூன்று T20 மற்றும் மூன்று ஒருநாள் போட்டிகள் கொண்ட தொடரில் பங்கேற்பதற்காக இலங்கை கிரிக்கெட் அணி அடுத்த மாதம் இங்கிலாந்துக்குச் செல்லவுள்ளது.