தலைமன்னாரிலிருந்து ராமர் பாலத்துடன் தொடர்புடைய எட்டு மணல் திட்டுகளை சுற்றுலாப்பயணிகள் பார்வையிடுவதற்கான வாய்ப்பு ஏற்படுத்தப்பட்டுள்ளது.
இதன் மூலம் மன்னார் மாவட்டத்தின் இயற்கை மற்றும் சுற்றுலா வளங்களை உள்ளூர் மற்றும் வெளிநாட்டு சுற்றுலாப்பயணிகளை அறிமுகப்படுத்துவதற்கான புதிய வாய்ப்பு உருவாகியுள்ளது.
தலைமன்னாரிலிருந்து கடல் மார்க்கமாக அமைந்துள்ள குறித்த எட்டு மணல் திட்டுகளையும் பார்வையிடுவதற்கான வசதி ஏற்படுத்தப்பட்டுள்ளமை, மன்னார் மாவட்டத்தின் சுற்றுலாத்துறையில் முக்கிய முன்னேற்றமாக அமையும் என வடக்கு மாகாண ஆளுநர் நா.வேதநாயகன் தெரிவித்துள்ளார்.
இந்த புதிய சுற்றுலா வாய்ப்பின் ஊடாக மன்னார் மாவட்டத்திற்கு வருகை தரும் உள்ளூர் மற்றும் வெளிநாட்டு சுற்றுலாவிகளின் எண்ணிக்கை அதிகரிக்கும் எனவும் எதிர்பார்க்கப்படுகிறது.
