உடலில் அணியும் கெமராக்களை கொள்வனவு செய்வதற்கான தற்போதைய கேள்விப்பத்திர நடைமுறையில் முறைகேடுகள் இடம்பெற்றுள்ளதாக முன்வைக்கப்படும் குற்றச்சாட்டுகள் அடிப்படையற்றவை என இலங்கை பொலிஸார் தெரிவித்துள்ளனர்.
500 உடலில் அணியும் கெமராக்கள் மற்றும் 70 டொக்கிங் நிலையங்களை கொள்வனவு செய்யுமாறு பொலிஸ் மா அதிபரால் நியமிக்கப்பட்ட குழு ஒருமனதாக பரிந்துரைத்துள்ளதாக பொலிஸார் குறிப்பிட்டுள்ளனர்.
அரசாங்க கொள்வனவு வழிகாட்டுதல்கள், தேசிய கொள்வனவு ஆணைக்குழுவின் விதிமுறைகள் மற்றும் சட்ட நடைமுறைகளுக்கு அமைவாக இந்த நடவடிக்கை முன்னெடுக்கப்படுவதாகவும் தெரிவிக்கப்பட்டுள்ளது.
மேலும், எந்தவொரு நிறுவனத்திற்கும் இதுவரை ஒப்பந்தம் வழங்கப்படவில்லை எனவும், கேள்விப்பத்திர மதிப்பீடுகள் தொடர்ந்து இடம்பெற்று வருவதாகவும் பொலிஸார் தெரிவித்துள்ளனர்.
இந்த நடைமுறை தொடர்பில் ஆட்சேபனை இருப்பின் இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவிடம் (CIABOC) முறைப்பாடு செய்ய முடியும் எனவும் அறிவிக்கப்பட்டுள்ளது.
