முத்துராஜவால – கட்டுநாயக்க வரை எரிபொருள் கொண்டுசெல்ல புதிய பாதை

முத்துராஜவலயில் இருந்து கட்டுநாயக்க வரை விமான எரிபொருளைக் கொண்டு செல்வதற்கான புதிய குழாய் அமைக்கும் பணிகள் இன்று (02) முதல் ஆரம்பமாகவுள்ளன.

ஜனாதிபதி அநுர குமார திசாநாயக்கவின் தலைமையில் இந்தத் திட்டம் ஆரம்பித்து வைக்கப்படவுள்ளது.

இந்த திட்டம் குறித்து கருத்து தெரிவித்துள்ள இலங்கை பெற்றோலிய கூட்டுத்தாபனத்தின் தலைவர் டி. ஜே. ராஜகருணா, அமைக்கப்படவுள்ள புதிய எரிபொருள் குழாய் 21 கிலோமீட்டர் நீளம் கொண்டது எனத் தெரிவித்துள்ளார்.

மேலும், இதன் ஒரு பகுதியாக தலா 40,000 கனமீட்டர் கொள்ளளவு கொண்ட 3 புதிய எண்ணெய் சேமிப்புத் தொட்டிகளை அமைக்கும் கட்டுமானப் பணிகளும் இன்றே தொடங்கும் என அவர் மேலும் தெரிவித்துள்ளார்.