ஈரானின் கெஷ்ம் (Qeshm) தீவில் உள்ள இராணுவ இலக்குகள் மீது அமெரிக்கா மட்டுப்படுத்தப்பட்ட வான்வழித் தாக்குதல்களை நடத்தியுள்ளதாக அமெரிக்க அதிகாரிகள் தெரிவித்துள்ளனர்.
ஈரான் தரப்பிலிருந்து அமெரிக்க விமானம் ஒன்றை இலக்குவைத்து தாக்குதல் நடத்தப்பட்டதைத் தொடர்ந்து, இந்த நடவடிக்கை முன்னெடுக்கப்பட்டதாகக் கூறப்படுகிறது. இதன்போது ஈரானின் ஏவுகணை ஏவுதளம் ஒன்றும் அழிக்கப்பட்டதாக அமெரிக்க அதிகாரிகள் தெரிவித்துள்ளனர்.
இந்த நடவடிக்கை அமெரிக்கப் படைகள் மற்றும் பிராந்தியத்தில் உள்ள அமெரிக்கச் சொத்துகளைப் பாதுகாப்பதற்கான தற்காப்பு நடவடிக்கை என வாஷிங்டன் விளக்கமளித்துள்ளது.
அமெரிக்க இடைக்காலத் தேர்தலுக்கு (Midterm Elections) முன்னதாக இந்தத் தாக்குதல் இடம்பெற்றுள்ளமை குறிப்பிடத்தக்கது.
