பதுளை பிரதான பேருந்து நிலையத்தில் இன்று (03) காலை ஒருவர் சடலமாக மீட்கப்பட்டுள்ளார்.
குறித்த நபர் மருத்துவ சிகிச்சைக்காக பதுளை போதனா வைத்தியசாலையின் கிளினிக்கிற்கு வருகை தந்திருந்தவர் எனத் தெரிவிக்கப்படுகிறது.
உயிரிழந்தவர் பசறை – லுணுகலை பகுதியைச் சேர்ந்தவர் என அடையாளம் காணப்பட்டுள்ளார்.
அத்துடன், சம்பவ இடத்திற்கு வருகை தந்த உறவினர்கள் சடலத்தை அடையாளம் கண்டுள்ளதாகவும் தெரிவிக்கப்படுகிறது.
சடலம் பிரேத பரிசோதனைக்காக பதுளை போதனா வைத்தியசாலையில் வைக்கப்பட்டுள்ளது.
சம்பவம் தொடர்பில் பதுளை பொலிஸார் மேலதிக விசாரணைகளை முன்னெடுத்து வருகின்றனர்.
