அமெரிக்காவின் ஜோர்ஜியா மாகாண ஆளுநர் தேர்தலில் ஜனநாயகக் கட்சியின் கீஷா லான்ஸ் பாட்டம்ஸ் வெற்றி பெற்று வரலாற்றுச் சாதனை படைத்துள்ளார்.
இதன்மூலம், அமெரிக்காவின் ஒரு மாகாணத்திற்கு ஆளுநராகத் தெரிவு செய்யப்பட்ட முதல் கறுப்பினப் பெண் என்ற பெருமையை அவர் பெற்றுள்ளார்.
அமெரிக்காவில் நேற்று (03) நடைபெற்ற இடைக்காலத் தேர்தலில் பிரதிநிதிகள் சபையின் 435 இடங்களுக்கும், செனட் சபையின் 35 இடங்களுக்கும், பல்வேறு மாகாணங்களின் ஆளுநர் மற்றும் உள்ளாட்சிப் பதவிகளுக்கும் வாக்குப்பதிவு நடைபெற்றது.
54.2 சதவீத வாக்குகளைப் பெற்று வெற்றி
இந்நிலையில், ஜோர்ஜியா மாகாண ஆளுநர் தேர்தலில் ஜனநாயகக் கட்சியின் கீஷா லான்ஸ் பாட்டம்ஸ் 54.2 சதவீத வாக்குகளைப் பெற்று வெற்றியீட்டியுள்ளார்.
அவரை எதிர்த்துப் போட்டியிட்ட குடியரசுக் கட்சியின் வேட்பாளரும் தொழிலதிபருமான ரிக் ஜாக்சன் 45.8 சதவீத வாக்குகளைப் பெற்று தோல்வியடைந்துள்ளார்.
மேலும், 1998ஆம் ஆண்டுக்குப் பின்னர் ஜோர்ஜியா மாகாண ஆளுநர் தேர்தலில் ஜனநாயகக் கட்சியின் வேட்பாளர் ஒருவர் வெற்றி பெற்றுள்ளமை குறிப்பிடத்தக்கது.
