சீரற்ற வானிலை காரணமாக பாதிக்கப்படும் மக்களுக்கு நிவாரணம் வழங்குவதற்காக 171 கடற்படை பேரிடர் நிவாரணக் குழுக்கள் தயார் நிலையில் வைக்கப்பட்டுள்ளதாக கடற்படை தெரிவித்துள்ளது.
வங்காள விரிகுடாவின் அந்தமான் கடல் பகுதியில் இலங்கைக்கு வடகிழக்கே உருவாகியுள்ள குறைந்த அழுத்தப் பிரதேசம் காரணமாக நாட்டில் சீரற்ற வானிலை நிலவி வருகின்றது.
இந்நிலையில், இன்று (21) காலை நிலவரப்படி தெற்கு மற்றும் மேற்கு கடற்படை தளபத்தியங்களால் 14 பேரிடர் நிவாரணக் குழுக்கள் களமிறக்கப்பட்டுள்ளன.
தெற்கு கடற்படை தளபத்தியத்தின் கீழ் தவலம பகுதியில் 2 குழுக்களும், ஹினிதும, மாபலகம மற்றும் நாகொட பகுதிகளில் தலா ஒரு குழுவும் என 5 குழுக்கள் களமிறக்கப்பட்டுள்ளன.
மேற்கு கடற்படை தளபத்தியத்தின் கீழ் நாவலப்பிட்டிய மற்றும் யட்டியாந்தோட்டை பகுதிகளில் தலா 2 குழுக்களும், சீதாவக்கையில் 2 குழுக்களும், இரத்தினபுரியில் 3 குழுக்களும் என 9 குழுக்கள் தயார் நிலையில் வைக்கப்பட்டுள்ளன.
தேவைக்கேற்ப பாதிக்கப்பட்ட பகுதிகளில் நிவாரணப் பணிகளில் ஈடுபடுவதற்காக இந்த குழுக்கள் தயார்படுத்தப்பட்டுள்ளதாக கடற்படை தெரிவித்துள்ளது.
