யாழ்ப்பாணம் – பருத்தித்துறை பிரதான வீதியில் இடம்பெற்ற விபத்தில் பூசகர் ஒருவர் உயிரிழந்துள்ளதாக பொலிஸார் தெரிவித்துள்ளனர்.
வல்லை முனியப்பர் ஆலயத்தில் வழிபாடுகளை மேற்கொண்ட பின்னர் மோட்டார் சைக்கிளில் வீதிக்கு வந்த பூசகர், வீதிக்கு ஏறிய இளைஞர் ஒருவருடன் மோதியதாக தெரிவிக்கப்படுகின்றது.
இதன்போது மோட்டார் சைக்கிளில் இருந்து வீதியில் விழுந்த பூசகர் மீது பின்னால் வந்த வாகனம் மோதியதில், அவர் சம்பவ இடத்திலேயே உயிரிழந்துள்ளார்.
உயிரிழந்த பூசகரின் சடலம் மீட்கப்பட்டு பருத்தித்துறை ஆதார வைத்தியசாலையில் ஒப்படைக்கப்பட்டுள்ள நிலையில், விபத்து தொடர்பில் நெல்லியடி பொலிஸார் மேலதிக விசாரணைகளை மேற்கொண்டு வருகின்றனர்.
