அம்பாறை மாவட்டம், மத்திய முகாம் 03 பிரதேசத்தைச் சேர்ந்த 15 வயதுடைய பாடசாலை மாணவன் ஒருவர் காட்டு யானையின் தாக்குதலுக்குள்ளாகி காயமடைந்த நிலையில் வைத்தியசாலையில் அனுமதிக்கப்பட்டுள்ளார்.
இன்று வெள்ளிக்கிழமை (02) அதிகாலை 5.00 மணியளவில் நற்பிட்டிமுனை கிட்டங்கி பாலத்திற்கு அருகில் இச்சம்பவம் இடம்பெற்றுள்ளது.
நற்பிட்டிமுனை சேனைக்குடியிருப்பு பகுதியிலிருந்து மத்திய முகாம் பிரதேசத்தை நோக்கித் துவிச்சக்கர வண்டியில் பயணித்துக் கொண்டிருந்த போதே குறித்த மாணவன் வீதியில் நின்ற காட்டு யானையின் தாக்குதலுக்கு இலக்காகியுள்ளார்.
தாக்குதலில் சிறு காயங்களுக்குள்ளான மாணவன் உடனடியாகக் கல்முனை வடக்கு ஆதார வைத்தியசாலையில் அனுமதிக்கப்பட்டுச் சிகிச்சைப் பெற்று வருகின்றார்.
மேலும், இச்சம்பவம் தொடர்பில் கல்முனை பொலிஸார் மேலதிக விசாரணைகளில் ஈடுபட்டு வருகின்றனர்.
