பிரபல மலையாள நகைச்சுவை மற்றும் குணச்சித்திர நடிகரான சலீம் குமார், உடல்நலக் குறைவு காரணமாக சிகிச்சை பெற்று வந்த நிலையில் இன்று உயிரிழந்தார்.
நேற்று காலை அவருக்கு திடீரென உடல்நலப் பாதிப்பு ஏற்பட்டதைத் தொடர்ந்து, கொச்சியில் உள்ள தனியார் மருத்துவமனையில் அனுமதிக்கப்பட்டார். அங்கு வெண்டிலேட்டர் உதவியுடன் தீவிர சிகிச்சை அளிக்கப்பட்டு வந்தது.
எனினும், சிகிச்சை பலனளிக்காததால் சலீம் குமார் இன்று காலமானதாக தெரிவிக்கப்பட்டுள்ளது. அவரது மறைவு ரசிகர்கள் மற்றும் திரையுலகினர் மத்தியில் பெரும் சோகத்தையும் அதிர்ச்சியையும் ஏற்படுத்தியுள்ளது.
பல திரைப்பட பிரபலங்களும் ரசிகர்களும் சமூக ஊடகங்கள் வாயிலாக தங்களது ஆழ்ந்த இரங்கல்களைத் தெரிவித்து வருகின்றனர்.
சில ஆண்டுகளுக்கு முன்பு சலீம் குமார் கல்லீரல் மாற்று அறுவை சிகிச்சை மேற்கொண்டிருந்தார் என்பது குறிப்பிடத்தக்கது. மலையாளத் திரைப்படங்களைத் தாண்டி, தமிழ்த் திரைப்படங்களிலும் அவர் பல்வேறு கதாபாத்திரங்களில் நடித்திருந்தார்.
