நுவரெலியா – வெலிமடை பிரதான வீதியின் ஹக்கல தாவரவியல் பூங்காவிற்கு அருகில் இன்று (16) இடம்பெற்ற வாகன விபத்தில் 4 வாகனங்கள் பலத்த சேதத்திற்குள்ளாகியுள்ளதாக நுவரெலியா காவல்துறையினர் தெரிவித்துள்ளனர்.
நுவரெலியாவிலிருந்து வெலிமடை நோக்கிப் பயணித்த பாரவூர்தி ஒன்றின் பிரேக் திடீரென செயலிழந்தமையே இந்த விபத்துக்குக் காரணமாகும்.
இதனால் கட்டுப்பாட்டை இழந்த பாரவூர்தி , அதற்கு முன்னால் அதே திசையில் பயணித்துக்கொண்டிருந்த ஜீப் ரக வாகனம், சிற்றூந்து மற்றும் முச்சக்கரவண்டி ஆகியவற்றுடன் அடுத்தடுத்து மோதி விபத்துக்குள்ளாகியுள்ளது.
