FIFA-2026 உலகக் கிண்ணத்தின் ‘K’ குழுப் போட்டியில் உஸ்பெகிஸ்தானை எதிர்கொண்ட போர்த்துக்கல் அணி, முதல் பாதி நிறைவில் 3–0 என்ற கணக்கில் வலுவான முன்னிலை பெற்றது.
இந்தப் போட்டியில் போர்த்துக்கல் நட்சத்திர வீரர் கிறிஸ்டியானோ ரொனால்டோ புதிய உலக சாதனையை படைத்தார். ஆட்டத்தின் 6ஆவது நிமிடத்தில் ஜாவோ கான்செலோ வழங்கிய கிராஸ் பந்தை கோலாக மாற்றிய 41 வயதான ரொனால்டோ, 2006, 2010, 2014, 2018, 2022 மற்றும் 2026 ஆகிய ஆறு வெவ்வேறு உலகக் கிண்ணத் தொடர்களில் கோல் அடித்த முதல் வீரர் என்ற வரலாற்றுச் சாதனையைப் பதிவு செய்தார்.
இதற்கிடையில், உஸ்பெகிஸ்தான் அணி அடித்த ஒரு கோல், அதற்கு முன் கான்செலோ மீது விதிமீறல் நடந்ததாக உதவி நடுவர் (VAR) உறுதிப்படுத்தியதால் நிராகரிக்கப்பட்டது.
தொடர்ந்து, புரூனோ பெர்னாண்டஸ் வழங்கிய பாஸை பயன்படுத்தி ரொனால்டோ தனது இரண்டாவது கோலையும் அடித்து போர்த்துக்கலின் முன்னிலையை மேலும் பலப்படுத்தினார்.
