“ஜுராசிக் பார்க்” ஆலன் கிராண்ட் கதாபாத்திரத்தில் நடித்த மூத்த நடிகர் சாம் நீல் காலமானார்.

“ஜுராசிக் பார்க்” திரைப்படத் தொடரில் வருகிற வைத்தியர் ஆலன் கிராண்ட் என்ற புகழ்பெற்ற கதாபாத்திரத்தில் நடித்த மூத்த நடிகர் சாம் நீல் காலமானார்.

சாம் நீல் தனது 78ஆவது வயதில் குடும்பத்தார் சூழ, அவுஸ்திரேலியாவின் சிட்னியில் உள்ள செயின்ட் வின்சென்ட்ஸ் பிரைவேட் வைத்தியசாலையில் உயிரிழந்துள்ளார்.

இவரது மரணம் எதிர்பாராத மற்றும் திடீர் இழப்பாக நேர்ந்துள்ளதாக அவரது குடும்பத்தினர் இன்ஸ்டாகிராம் பக்கத்தில் பகிர்ந்துள்ள அறிக்கையில் தெரிவித்துள்ளனர்.

கடந்த 2022ஆம் ஆண்டு இவருக்கு 3-வது கட்ட இரத்தப் புற்றுநோய் இருப்பது கண்டறியப்பட்டது. எனினும், தொடர் சிகிச்சைகளின் மூலம் அவர் சமீபத்தில் புற்றுநோயிலிருந்து முழுமையாகக் குணமடைந்திருந்தார் என தெரிவிக்கப்பட்டது.