ஐசிசி ஆடவர் உலக கிண்ணம் 2027 அக்டோபர் மாதம் மற்றும் நவம்பர் மாதங்களில் தென் ஆப்பிரிக்கா சிம்பாவே, நமீபியா ஆகிய நாடுகளில் நடத்தப்பட உள்ளது
இந்த போட்டி தொடரில் பங்குபற்றும் அணிகளின் எண்ணிக்கை 10இல் இருந்து 14 ஆக விரிவு படுத்தப்பட உள்ளது. இதில் 7 அணிகள் கொண்ட இரு குழுக்களும் அதனைத் தொடர்ந்து சூப்பர் சிக்ஸ் பிரிவுகளிலும் போட்டிகள் நடைபெறவுள்ளது.
மேலும் இந்த போட்டிகளுக்கு முன்பாக 53 சர்வதேச போட்டிகளில் இந்தியா விளையாட உள்ளது. இந்த அட்டவணையில் 10 டெஸ்ட் போட்டிகள், 20 ஒரு நாள் போட்டிகள் மற்றும் 23 டி20 போட்டிகளில் இந்தியா விளையாட உள்ளது.
இந்த போட்டிகளில் முதலாவதாக ஜூன் மாதம் 6 ஆம் திகதி ஆப்கானிஸ்தானுக்கு எதிரான டெஸ்ட் போட்டிகளில் இந்திய அணி பங்கேற்க உள்ளது
இதனைத் தொடர்ந்து அயர்லாந்து இங்கிலாந்து, சிம்பாவே மற்றும் இலங்கை ஆகிய நாடுகளுக்கு, இந்திய வீரர்கள் சுற்றுப்பயணம் மேற்கொள்ள உள்ளனர்.
இதனைத் தொடர்ந்து மேற்கிந்திய தீவுகள், இலங்கை மற்றும் சிம்பாப்வே அணிகள் ஒரு நாள் மற்றும் டி20 போட்டி தொடர்களில் பங்கேற்க இந்தியாவிற்கு சுற்றுப்பயணம் மேற்கொள்ள உள்ளன.
இந்த டெஸ்ட் தொடர் 2027ஆம் ஆண்டு ஜனவரி மாத இறுதியில் ஆரம்பமாகி மார்ச் மாத ஆரம்பத்தில் முடிவடையும் என எதிர்பார்க்கப்படுகிறது.
