அனைத்து நீர் வழங்கல் மற்றும் சுகாதார சேவை வழங்குநர்களுக்கும் பொருந்தக்கூடியதும், பாலின சமத்துவம் மற்றும் சமூக உள்ளடக்கத்திற்கு முக்கியத்துவம் அளிப்பதுமான ஒரு தேசிய நீர் கட்டணக் கொள்கையின் தேவை அடையாளம் காணப்பட்டுள்ளது.
தற்போது, பல்வேறு நீர் சேவை வழங்குநர்களால் இயக்கப்படும் நீர் வழங்கல் அமைப்புகளுக்கான கட்டணங்களை நிர்ணயிப்பதற்கும், அத்துடன் சுகாதார அமைப்புகளுக்கான கட்டணங்களை நிர்ணயித்தல், மதிப்பாய்வு செய்தல், அங்கீகரித்தல் மற்றும் நடைமுறைப்படுத்துதல் ஆகியவற்றுக்கும் முறையான தேசிய கட்டமைப்பு நடைமுறையில் இல்லை.
இதனால் ஆசிய அபிவிருத்தி வங்கியின் நிதியுதவின் கீழ் கொள்கை அடிப்படையிலான கடன் வேலைத்திட்டமான இலங்கை நீர்வழங்கல் மற்றும் அடிப்படை வசதிகள் பிரிவின் மறுசீரமைப்பு வேலைத்திட்டத்தின் கீழ் அனைத்து நீர்வழங்கல் சேவைகளையும் உள்ளடக்கும் வகையில்
தேசிய நீர்வழங்கல் கட்டண கொள்கையொன்று வீடு, நிர்மாணம் மற்றும் நீர்வழங்கல் அமைச்சினால் தயாரிக்கப்பட்டுள்ளது. தேசிய நீர்கட்டண கொள்கையை நடைமுறைப்படுத்தும் வகையில் துறைசார் அமைச்சு முன்வைத்த யோசனைக்கு அமைச்சரவை அனுமதி வழங்கியுள்ளது.
