நிறுவனங்கள் மற்றும் சங்கங்களைப் பதிவு செய்வதற்கான பல்வேறு கட்டணங்களை அரசாங்கம் அதிகரித்துள்ளது. இது தொடர்பான அதிவிசேட வர்த்தமானி வர்த்தகம், வாணிபம், உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்கவால் வெளியிடப்பட்டுள்ளது.
புதிய கட்டணங்களின்படி, தனியார் வரையறுக்கப்பட்ட நிறுவனப் பதிவு கட்டணம் 4,600 ரூபாயிலிருந்து 5,200 ரூபாயாகவும், பொதுப் பங்கு நிறுவனப் பதிவு கட்டணம் 23,000 ரூபாயிலிருந்து 26,400 ரூபாயாகவும் உயர்த்தப்பட்டுள்ளது.
அதேபோல், நிறுவனப் பெயர் அங்கீகாரக் கட்டணம் 2,300 ரூபாயிலிருந்து 2,600 ரூபாயாகவும், ஆண்டு அறிக்கை தாக்கல் கட்டணம் 7,900 ரூபாயாகவும் நிர்ணயிக்கப்பட்டுள்ளது.
மேலும், சங்கப் பதிவு கட்டணம் 3,450 ரூபாயிலிருந்து 3,900 ரூபாயாகவும், சங்க அரசியலமைப்புத் திருத்தக் கட்டணம் 1,725 ரூபாயிலிருந்து 1,900 ரூபாயாகவும் உயர்த்தப்பட்டுள்ளது.
இந்த புதிய கட்டணங்கள் 2026 ஜூலை 6ஆம் திகதி வெளியிடப்பட்ட அதிவிசேட வர்த்தமானி இலக்கம் 2496/03 இன் கீழ் அமுலுக்கு வந்துள்ளன.
