இலங்கையின் விமான போக்குவரத்து மற்றும் சுற்றுலாத் துறையின் தொடர்ச்சியான வளர்ச்சியைக் காட்டுகின்ற வகையில், 2026-ஆம் ஆண்டின் முதல் 6 மாதங்களில் மட்டும் கட்டுநாயக்க சர்வதேச விமான நிலையம் சுமார் 4.75 மில்லியன் பயணிகளைக் கையாண்டுள்ளதாகத் தெரிவிக்கப்பட்டுள்ளது.
2026 ஜனவரி முதல் ஜூன் வரை 4,748,481 பயணிகளும், 30,659 விமானங்களும் கையாளப்பட்டுள்ளன.
மேலும் விமான நிலையம் வழியாக 1,146,573 சுற்றுலாப் பயணிகள் நாட்டிற்கு வந்துள்ளனர்.
விமான நிலையம் மற்றும் விமானப் போக்குவரத்து சேவைகள் நிறுவனம் வெளியிட்ட தரவுகளின்படி, கடந்த 2025-ஆம் ஆண்டு முழுவதிலும் 10.21 மில்லியன் பயணிகள், 95,629 விமானங்கள் மற்றும் 946,811 பரிமாற்றப் பயணிகள் (transit passenger) கையாளப்பட்டுள்ளனர்.
மக்களையும் கலாசாரங்களையும் இணைப்பதிலும், நாட்டின் சுற்றுலா மற்றும் விமான போக்குவரத்துத் துறைகளை வலுப்படுத்துவதிலும் கட்டுநாயக்க சர்வதேச விமான நிலையம் தொடர்ந்து முக்கியப் பங்காற்றி வருவதாக நிர்வாகம் தெரிவித்துள்ளது.
