எல்.பி.எல் தொடரிலிருந்து குசல் மெந்திஸ் விலகல்!

2026-ஆம் ஆண்டு லங்கா பிரீமியர் லீக் (LPL) தொடரின் எஞ்சிய போட்டிகளிலிருந்து, கொழும்பு கேப்ஸ் (Colombo Kaps) அணியின் தலைவரான குசல் மெந்திஸ் தொடை தசைநார் காயம் காரணமாக விலகியுள்ளார்.

கென்டி ரோயல்ஸ் அணிக்கு எதிராக கடந்த ஞாயிற்றுக்கிழமை நடைபெற்ற போட்டியின் போது அவருக்கு இந்த காயம் ஏற்பட்டது.

காயம் அடைந்ததைத் தொடர்ந்து, போட்டியின் இடைநடுவே குசல் மெந்திஸ் ‘ரிட்டயர்ட் ஹர்ட்’ (retired hurt) முறையில் மைதானத்தில் இருந்து வெளியேறினார்.

மருத்துவ பரிசோதனைக்குப் பிறகு, அவர் இத்தொடரின் மீதமுள்ள போட்டிகளில் பங்கேற்க முடியாது என்பது உறுதி செய்யப்பட்டுள்ளது.

இது கொழும்பு கேப்ஸ் அணியின் தொடர் முன்னேற்றத்திற்கு மிகப்பெரிய பின்னடைவாக கருதப்படுகிறது.

இத்தொடரின் தொடக்கப் போட்டிகளில் கொழும்பு கேப்ஸ் அணியை வெற்றிகரமாக வழிநடத்தியதுடன், துடுப்பாட்டத்திலும் முக்கிய பங்காற்றி வந்த மெந்திஸின் விலகல், லீக் சுற்றின் எஞ்சிய போட்டிகளுக்குத் தயாராகி வரும் அவ்வணிக்கு பெரும் சவாலாக அமைந்துள்ளது.