இங்கிலாந்தை வீழ்த்தி உலகக் கிண்ண இறுதிப்போட்டிக்கு முன்னேறிய ஆர்ஜென்டினா!

2026 உலகக் கிண்ண காற்பந்து தொடரின் இரண்டாவது அரையிறுதிப் போட்டியில் இங்கிலாந்தை 2-1 என்ற கோல் கணக்கில் வீழ்த்திய ஆர்ஜென்டினா அணி இறுதிப்போட்டிக்கு தகுதி பெற்றுள்ளது.

அட்லான்டாவில் நடைபெற்ற இந்தப் போட்டியின் முதல் பாதி கோலின்றி நிறைவடைந்தது.

போட்டியின் 55ஆவது நிமிடத்தில் இங்கிலாந்து முதல் கோலைப் பதிவு செய்து முன்னிலை பெற்றது. எனினும், 85ஆவது நிமிடத்தில் ஆர்ஜென்டினா வீரர் பெர்னாண்டஸ் சமநிலைக் கோலை அடித்தார்.

இதையடுத்து, பரபரப்பாக நீண்ட போட்டியின் 90ஆவது நிமிடத்தில் லௌடாரோ மார்டினஸ் வெற்றிக்கான இரண்டாவது கோலைப் பதிவு செய்து, ஆர்ஜென்டினாவை உலகக் கிண்ண இறுதிப்போட்டிக்கு அழைத்துச் சென்றார்.

இதன்மூலம், உலகக் கிண்ண சாம்பியன் பட்டத்திற்கான இறுதிப்போட்டியில் ஆர்ஜென்டினா அணி ஸ்பெயினை எதிர்கொள்ளவுள்ளது.