நடிகர் விஜய்யின் இறுதித் திரைப்படமான ‘ஜனநாயகன்’ உலகமெங்கும் திரையரங்குகளில் வெளியாகியுள்ள நிலையில், இந்திய கிரிக்கெட் வீரர் வருண் சக்கரவர்த்தி நடிகர் விஜய் குறித்து நெகிழ்ச்சியுடன் தனது வாழ்த்துகளைப் பகிர்ந்துள்ளார்.
எச். வினோத் இயக்கத்தில், அனிருத் இசையமைப்பில் உருவாகியுள்ள இத்திரைப்படத்தைக் கொண்டாட இரசிகர்கள் திரையரங்குகளில் குவிந்து வருகின்றனர்.
ஜனநாயகன் என்னவொரு சிறப்பான பிரியாவிடைத் திரைப்படம். படத்தின் ஒவ்வொரு தருணத்தையும் மிகவும் இரசித்தேன். இத்தகைய சிறப்பான படத்தைக் கொடுத்த படக்குழுவினர் அனைவருக்கும் எனது மனமார்ந்த வாழ்த்துகள் எனக் கூறியுள்ளார்.
அத்துடன், விஜய் அண்ணா, இத்தனை ஆண்டுகால கலைச்சேவைக்கு மிக்க நன்றி. ‘காதலுக்கு மரியாதை’ படத்திலிருந்தே நான் உங்களின் தீவிர இரசிகன். என் சிறுவயது நினைவுகளின் முக்கிய அங்கமாக நீங்கள் இருந்திருக்கிறீர்கள். ஆனால் இனிவரும் திரையில் உங்களை மிகவும் மிஸ் செய்வேன் என மேலும் தெரிவித்துள்ளார்.
திரையில் விஜய்யின் கடைசி நடனம் மற்றும் நடிப்பைக் குறிக்கும் வகையில், “கடைசி ஒரு நடனம்” என்ற பொருளில் #OneLastDance என்ற ஹேஷ்டேக்கை உருவாக்கி வைரலாகி வரும் வேளையில், வருண் சக்கரவர்த்தியின் இந்த உருக்கமான பதிவு விஜய் இரசிகர்களிடையே வைரலாகி வருகின்றது.
