டிஜிட்டல் வருமான வரிப்பத்திர சேவைகள் (eRL 2.0) தளத்தில் மேற்கொள்ளப்படவுள்ள முக்கியமான கட்டமைப்பு மேம்பாடு (System Cutover) காரணமாக, எதிர்வரும் செப்டம்பர் 25 ஆம் திகதி முதல் 28 ஆம் திகதி வரையிலான 4 நாட்களுக்கு குறித்த சேவைகள் இடைநிறுத்தப்படவுள்ளன.
இலங்கையின் டிஜிட்டல் வருமான வரிப்பத்திர சேவைகள் முறைமையின் ஒட்டுமொத்த செயற்பாடு, ஸ்திரத்தன்மை மற்றும் நம்பகத்தன்மையை அதிகரிக்கும் நோக்கிலேயே இந்த மேம்பாட்டுப் பணிகள் முன்னெடுக்கப்படுகின்றன.
மத்திய, ஊவா, தென், சபரகமுவ, வடமேல், வடக்கு மற்றும் கிழக்கு உள்ளிட்ட 8 மாகாண சபைகளின் முதன்மைச் செயலாளர்களின் உத்தியோகபூர்வ உடன்பாடு மற்றும் அனுமதியுடன் இந்தத்திட்டம் செயல்படுத்தப்படுகின்றது.
இந்த நிலையில், மேல் மாகாணம் தவிர்ந்த ஏனைய அனைத்து மாகாணங்களிலும் டிஜிட்டல் வருமான வரிப்பத்திர சேவைகள் நான்கு நாட்களுக்கு தற்காலிகமாக இடைநிறுத்தப்படவுள்ளது.
