யாழ்ப்பாணம் – பருத்தித்துறை பிரதான வீதியில் இடம்பெற்ற கோர விபத்தில் மோட்டார் சைக்கிளில் பயணித்த பூசகர் ஒருவர் பரிதாபமாக உயிரிழந்துள்ளார்.
வல்லை முனியப்பர் ஆலயத்தில் வழிபாடுகளை நிறைவு செய்துவிட்டு மோட்டார் சைக்கிளில் பயணித்த பூசகர், வீதிக்குத் திடீரென ஏறிய இளைஞர் ஒருவருடன் மோதி வீதியில் கீழே விழுந்துள்ளார். அப்போது அவருக்குப் பின்னால் வந்த வாகனம் அவர் மீது மோதியதில், அவர் சம்பவ இடத்திலேயே உயிரிழந்துள்ளதாகத் தெரியவந்துள்ளது.
விபத்தில் உயிரிழந்தவரின் சடலம் மீட்கப்பட்டுப் பருத்தித்துறை ஆதார வைத்தியசாலையில் ஒப்படைக்கப்பட்டுள்ளது. இச்சம்பவம் குறித்து நெல்லியடிப் பொலிஸார் தீவிர விசாரணைகளை முன்னெடுத்து வருகின்றனர்
