அமெரிக்க ஜனாதிபதி டொனால்ட் ட்ரம்ப், ஸ்பேஸ்எக்ஸ் (SpaceX) நிறுவனத்தின் தலைமைச் செயல் அதிகாரி எலான் மஸ்க்கிற்கு, அறிவியல் சாதனைகளுக்கான அமெரிக்காவின் உயரிய கௌரவமான தேசிய அறிவியல் பதக்கத்தை வழங்கியுள்ளார்.
வாஷிங்டனில் 2026 ஒக்டோபர் 8ஆம் திகதி நடைபெற்ற அறிவியல் மற்றும் தொழில்நுட்ப மாநாட்டில் இந்த விருது வழங்கும் நிகழ்வு இடம்பெற்றது.
விண்வெளி ஆராய்ச்சி, நுண்ணறிவு அமைப்புகள், தகவல் தொடர்பு மற்றும் பொறியியல் துறைகளில் எலான் மஸ்க் ஆற்றிய குறிப்பிடத்தக்க பங்களிப்புகளைப் பாராட்டி இந்த விருது வழங்கப்பட்டுள்ளது.
மீண்டும் பயன்படுத்தக்கூடிய ரொக்கெட் தொழில்நுட்பம் மற்றும் விண்வெளிப் பயணத் துறையில் முன்னெடுக்கப்பட்டுள்ள முயற்சிகள், அமெரிக்காவின் தொழில்நுட்ப வளர்ச்சிக்கு முக்கிய பங்களிப்பை வழங்கியுள்ளதாக விருது வழங்கும் நிகழ்வில் குறிப்பிடப்பட்டது.
இந்த நிகழ்வில் எலான் மஸ்க் மட்டுமன்றி, கூகுள் இணை நிறுவனர் செர்கே பிரின், என்விடியா நிறுவனத்தின் தலைமைச் செயல் அதிகாரி ஜென்சன் ஹுவாங் உள்ளிட்ட தொழில்நுட்பத் துறையைச் சேர்ந்த முக்கிய பிரமுகர்களும் கௌரவிக்கப்பட்டனர்.
அறிவியல் மற்றும் தொழில்நுட்பத் துறைகளில் அமெரிக்காவின் தலைமைத்துவத்தை வலுப்படுத்தும் நோக்கில் இந்த விருதுகள் வழங்கப்பட்டுள்ளன.
