இலங்கையின் வத்தளை, மாபோல பகுதியில் ஐஸ் மற்றும் ஹெரோயின் போதைப்பொருட்களுடன் 24 வயதுடைய இளைஞர் ஒருவர் கைது செய்யப்பட்டுள்ளதாகப் பொலிஸார் தெரிவித்துள்ளனர்.
கொழும்பு குற்றத்தடுப்புப் பிரிவினருக்குக் கிடைத்த தகவலின் அடிப்படையில் மேற்கொள்ளப்பட்ட நடவடிக்கையின்போதே இந்தக் கைது இடம்பெற்றுள்ளது
சந்தேகநபரிடமிருந்து 9 கிலோகிராம் 229 கிராம் ஐஸ் போதைப்பொருளும், 9 கிலோகிராம் 264 கிராம் ஹெரோயினும் கைப்பற்றப்பட்டுள்ளதாகப் பொலிஸார் தெரிவித்துள்ளனர். இதனுடன், போதைப்பொருட்களை எடைபோடுவதற்குப் பயன்படுத்தப்பட்டிருக்கலாம் எனச் சந்தேகிக்கப்படும் தராசு மற்றும் கையடக்கத் தொலைபேசி ஒன்றும் கைப்பற்றப்பட்டுள்ளன.
கைது செய்யப்பட்டவர் வத்தளைப் பகுதியைச் சேர்ந்தவர் எனத் தெரிவிக்கப்பட்டுள்ளது. சம்பவம் தொடர்பில் கொழும்பு குற்றத்தடுப்புப் பிரிவினர் மேலதிக விசாரணைகளை முன்னெடுத்து வருகின்றனர்.
