2027ஆம் கல்வியாண்டை முன்னிட்டு, சுமார் 15 இலட்சம் பாடசாலை மாணவர்களுக்கு தலா 6,000 ரூபா பெறுமதியான பாடசாலை உபகரணக் கொடுப்பனவை வழங்குவதற்கு அமைச்சரவை அங்கீகாரம் வழங்கியுள்ளது.
இந்தத் திட்டத்தின் கீழ், அஸ்வெசும நலன்புரித் திட்டத்தில் உள்ள குடும்பங்களைச் சேர்ந்த 10 இலட்சம் மாணவர்களுக்கு வங்கிக் கணக்குகள் ஊடாக நேரடியாகக் கொடுப்பனவு வழங்கப்படவுள்ளது.
மேலும், கல்வி அமைச்சினால் அடையாளம் காணப்படும் ஐந்து இலட்சம் மாணவர்களுக்கு 6,000 ரூபா பெறுமதியான வவுச்சர்கள் வழங்கப்படவுள்ளன.
பாடசாலை உபகரணங்கள், புத்தகங்கள் மற்றும் ஏனைய கல்விசார் தேவைகளுக்காகப் பெற்றோர் எதிர்கொள்ளும் செலவுச் சுமையைக் குறைப்பது இத்திட்டத்தின் நோக்கமாகும்.
எனினும், கொடுப்பனவைப் பெறுவதற்கான தகுதிகள், விண்ணப்ப நடைமுறைகள் மற்றும் வவுச்சர்களைப் பயன்படுத்துவதற்கான விதிமுறைகள் தொடர்பில் சம்பந்தப்பட்ட அரசாங்க அறிவிப்புகளைப் பின்பற்றுமாறு பெற்றோர் அறிவுறுத்தப்படுகின்றனர்.
