பசறை – பதுளை பிரதான வீதியில், பசறை வைத்தியசாலைக்கு அருகில் மரம் ஒன்று முறிந்து வீழ்ந்ததால், அப்பகுதியில் போக்குவரத்து தற்காலிகமாகப் பாதிக்கப்பட்டது.
இதனையடுத்து, பசறை பிரதேச சபைத் தவிசாளர் ரொஷான் பியசேனவின் ஆலோசனையின் பேரில், பிரதேச சபை ஊழியர்கள் உடனடியாகச் சம்பவ இடத்திற்குச் சென்று மரத்தை வெட்டி அகற்றும் பணியில் ஈடுபட்டனர்.
மரத்தை விரைவாக அகற்றியதைத் தொடர்ந்து, குறித்த வீதியூடான போக்குவரத்து வழமைக்குத் திரும்பியது.
போக்குவரத்துத் தடையை விரைவாகச் சீர்செய்ய நடவடிக்கை எடுத்த பிரதேச சபை ஊழியர்களுக்குப் பொதுமக்கள் பாராட்டுத் தெரிவித்தனர்.
