நேபாளத்தின் எவரெஸ்ட் மலை அடிவாரப் பகுதியில் தரையிறங்க முற்பட்ட இரண்டு ஹெலிகொப்டர்கள் ஒன்றுடன் ஒன்று மோதி விபத்துக்குள்ளாகியதில் இந்தியப் பிரஜை ஒருவர் உயிரிழந்துள்ளதுடன், பலர் காயமடைந்துள்ளனர்.
Fish Tail Air மற்றும் Dynasty Air நிறுவனங்களுக்குச் சொந்தமான ஹெலிகொப்டர்கள், நேபாளத்தின் சோலுகும்பு மாவட்டத்திலுள்ள பெரிசே (Pheriche) பகுதியில் இன்று (03) காலை சுமார் 8.11 மணியளவில் விபத்துக்குள்ளாகியுள்ளன.
இந்த விபத்தில் இந்தியாவைச் சேர்ந்த 47 வயதுடைய வசந்த் குமார் பலராமராமடு உயிரிழந்துள்ளார். மேலும், இந்திய வம்சாவளியைச் சேர்ந்த நியூசிலாந்துப் பிரஜை ஒருவரும், இரண்டு ஹெலிகொப்டர் விமானிகளும் காயமடைந்துள்ளதாகத் தகவல்கள் தெரிவிக்கின்றன.
காயமடைந்தவர்கள் சிகிச்சைக்காக வைத்தியசாலைக்கு அழைத்துச் செல்லப்பட்டுள்ளனர்.
