இலங்கையில் 48cc மோட்டார் சைக்கிள்களின் பதிவு மற்றும் பயன்பாடு தொடர்பான நடைமுறைகளைத் திருத்துவது குறித்து அரசாங்கம் பரிசீலித்து வருவதாக போக்குவரத்து மற்றும் நெடுஞ்சாலைகள் பிரதி அமைச்சர் டொக்டர் பிரசன்ன குணசேன தெரிவித்துள்ளார்.
நாடாளுமன்றத்தில் எழுப்பப்பட்ட கேள்விக்குப் பதிலளிக்கும்போதே அவர் இதனைக் குறிப்பிட்டுள்ளார்.
தற்போதுள்ள சட்டங்கள் மற்றும் நடைமுறைகள் தொடர்பாக ஆராய்ந்து, தேவையான மாற்றங்கள் குறித்து கவனம் செலுத்தப்பட்டு வருவதாகத் தெரிவிக்கப்பட்டுள்ளது. எனினும், புதிய விதிமுறைகள் எப்போது அமுல்படுத்தப்படும் என்பது குறித்த இறுதி அறிவிப்பு வெளியாகவில்லை.
