நடிகர் விஜய்யின் 69ஆவது திரைப்படமான ‘ஜனநாயகன்’ உலகமெங்கும் திரையரங்குகளில் நேற்று (23) வியாழக்கிழமை வெளியாகிய நிலையில், முதல் நாளிலேயே உலகளவில் 78.27 கோடி வசூலித்து அசத்தியுள்ளது.
இந்தியாவில் 13,067 காட்சிகளில் திரையிடப்பட்ட படம், முதல் நாளில் 41 கோடி நிகர வசூலைச் (Nett) சாதித்துள்ளது. (மொத்த வசூல் 48.27 கோடி).
அத்துடன் வெளிநாடுகளில் மட்டும் முதல் நாளில் 30 கோடியும்,
ஹிந்தியில் 1.75 கோடியும், தெலுங்கில் 2.75 கோடியும் வசூலாகியுள்ளது.
இத்திரைப்படம் முதல் நாளில் மிகப்பெரிய தொகையை வசூலித்திருந்தாலும், விஜய்யின் முந்தைய படங்களான ‘பீஸ்ட்’ (49.30 கோடி) மற்றும் ‘கோட்’ (44 கோடி) ஆகிய படங்களின் இந்திய முதல் நாள் வசூலை முறியடிக்கவில்லை.
அனிருத் இசையமைப்பில், பூஜா ஹெக்டே, பாபி தியோல், மமிதா பைஜு உள்ளிட்ட பலர் நடித்துள்ள இத்திரைப்படம் வார இறுதி நாட்களில் மேலும் பல வசூல் சாதனைகளைப் படைக்கும் என எதிர்பார்க்கப்படுகின்றது.
