மாகும்பர பன்முகப் போக்குவரத்து நிலையத்தில் மேற்கொள்ளப்பட்ட திடீர் போதைப்பொருள் சோதனையில், அதிவேகப் பாதையில் பயணிக்கும் தனியார் பேருந்தின் நடத்துனர் ஒருவர் உட்பட பேருந்து ஓட்டுநர்கள் ஒன்பது பேர் போதைப்பொருள் உட்கொண்டிருப்பது கண்டறியப்பட்டுள்ளது.
மேலும், நடத்துனர் உரிமம் இன்றி பணியாற்றிக் கொண்டிருந்த மூன்று நடத்துனர்களும் இதன்போது அடையாளம் காணப்பட்டுள்ளதாகத் தெரிவிக்கப்படுகிறது.
தேசிய போக்குவரத்து மருத்துவ நிறுவனம், ஹோமாகம காவல்துறை, மாகும்பர பன்முகப் போக்குவரத்து நிலையம் மற்றும் மேல் மாகாண போக்குவரத்து அதிகாரசபை ஆகியன இணைந்து இந்த பரிசோதனையை முன்னெடுத்திருந்தன.
அதிவேகப் பாதை மற்றும் சாதாரண வீதிகளில் பயணிகளை ஏற்றிச் செல்லும் 152 தனியார் மற்றும் இலங்கை போக்குவரத்து சபையின் (SLTB) பேருந்து ஓட்டுநர்கள் மற்றும் நடத்துனர்கள் போதைப்பொருள் பரிசோதனைக்கு உட்படுத்தப்பட்டனர்.
கைது செய்யப்பட்டுள்ளவர்கள் ஹோமாகம காவல்துறையினரால் இன்று (25) ஹோமாகம நீதிமன்றத்தில் முன்னிலைப்படுத்தப்படவுள்ளனர்.
