பிரித்தானிய மன்னர் சார்லஸ், அமெரிக்காவுக்கான அரசுப் பயணத்தின்போது மயங்கி வீழ்ந்த ஒருவரைப் பொருட்படுத்தாமல் நடந்து செல்வது போன்ற தவறான மற்றும் செம்மைப்படுத்தப்பட்ட காணொளியை அமெரிக்க ஜனாதிபதி டொனால்ட் ட்ரம்ப் தனது ‘ட்ரூத் சோஷியல்’ (Truth Social) பக்கத்தில் பகிர்ந்துள்ளார்.
எனினும் இந்த காணொளி 2020 ஜூலை மாதம் கொரோனா காலத்தில் மன்னர் சார்லஸ் ,அப்போது வேல்ஸ் இளவரசராக இருந்தபோது, பிரிஸ்டலில் உள்ள பல்பொருள் அங்காடி மையத்திற்குச் சென்றபோது எடுக்கப்பட்டதாகும் என்று கண்டறியப்பட்டுள்ளது.
அத்துடன் குறித்த பொதுமகன் மயங்கி வீழ்ந்தபோது, மருத்துவ உதவி கிடைக்கும் வரை மன்னர் அருகிலேயே நின்றார் என்பதும் கண்டறியப்பட்டுள்ளது.
இதேவேளை, இந்த மூன்று நிமிடக் காணொளியில் பிரான்ஸ் ஜனாதிபதி இம்மானுவேல் மக்ரோன், முன்னாள் அமெரிக்க ஜனாதிபதி ஜோ பைடன் மற்றும் பராக் ஒபாமா ஆகியோர் மரியாதைக் குறைவாக நடப்பது போன்ற பிற காட்சிகளும் இடம்பெற்றுள்ளன.
இதற்கு மாற்றாக, ட்ரம்ப் அமெரிக்க வீரர்களை கௌரவிப்பது, வீரர்களின் குடும்பங்களுக்கு ஆறுதல் கூறுவது போன்ற காட்சிகள் அதில் இணைக்கப்பட்டுள்ளன.
