மெக்சிகோவின் தென்மேற்கு கடற்கரைக்கு அப்பால் உருவாகியுள்ள ‘போலோ’ (Polo) சூறாவளி, அதிவேகமாக வலுப்பெற்று 5ஆம் வகை சூறாவளியாக மாறியுள்ளதாக அமெரிக்காவின் National Oceanic and Atmospheric Administration தெரிவித்துள்ளது.
NOAA-வின் சூறாவளி கண்காணிப்பு விமானம் மேற்கொண்ட ஆய்வில், போலோ சூறாவளியின் அதிகபட்ச தொடர்ச்சியான காற்றின் வேகம் மணிக்கு சுமார் 285 கிலோமீற்றராக பதிவாகியுள்ளதுடன் மத்திய வளிமண்டல அழுத்தம் 892 மில்லிபார் வரை குறைந்துள்ளதாக தெரிவிக்கப்பட்டுள்ளது.
சூறாவளியின் மையப்பகுதி மெக்சிகோ கடற்கரையை ஒட்டி நகரும் என எதிர்பார்க்கப்பட்டாலும், அது நிலப்பரப்பில் நேரடியாகக் கரையைக் கடக்கும் என தற்போது எதிர்பார்க்கப்படவில்லை. எனினும், தென்மேற்கு மெக்சிகோவின் கடலோரப் பகுதிகளில் கடும் மழை பெய்யக்கூடும் என எச்சரிக்கை விடுக்கப்பட்டுள்ளது.
இதனால், குறிப்பாக தாழ்வான மற்றும் மலைப்பாங்கான பகுதிகளில் உயிருக்கு ஆபத்தை ஏற்படுத்தக்கூடிய வெள்ளப்பெருக்கு மற்றும் மண்சரிவு ஏற்படக்கூடும் என எச்சரிக்கப்பட்டுள்ளது.
அத்துடன், கடற்பகுதிகளில் காற்றின் வேகம் மேலும் அதிகரிக்கக்கூடும் எனவும் அறிவிக்கப்பட்டுள்ளது.
போலோ சூறாவளி அடுத்த சில நாட்களிலும் 5ஆம் வகை வலிமையில் நீடிக்கக்கூடும் என National Oceanic and Atmospheric Administration கணித்துள்ளது.
இதனிடையே, மெக்சிகோவின் பாதிக்கப்படக்கூடிய கடலோரப் பகுதிகளில் உள்ள மக்கள் அதிகாரப்பூர்வ எச்சரிக்கைகளை அவதானித்து பாதுகாப்பு நடவடிக்கைகளை மேற்கொள்ளுமாறு அறிவுறுத்தப்பட்டுள்ளனர்.
