ஹொரவப்பொத்தானை, இஹள கும்புகொல்லேவ பகுதியில் உள்ள கைவிடப்பட்ட கிணறு ஒன்றிலிருந்து இளைஞர் ஒருவரின் சடலம் கண்டெடுக்கப்பட்டுள்ளது.
இஹள கும்புகொல்லேவ பகுதியைச் சேர்ந்த 21 வயதுடைய சடலமாக மீட்கப்பட்டுள்ளார்.
24 ஆம் திகதி குறித்த இளைஞன் தனது சகோதரியுடன் மாடுகளை மேய்ப்பதற்காகச் சென்றுள்ளதோடு, அங்கு சகோதரியிடம் விறகுகளைக் கொடுத்துவிட்டு, தான் பின்னர் வருவதாகக் கூறிவிட்டுச் சென்றுள்ளார்.
இருப்பினும், அவர் நீண்ட நேரமாகியும் வீடு திரும்பாததால், உறவினர்களும் பிரதேசவாசிகளும் இணைந்து தேடிய போதே பாழடைந்த கிணற்றிலிருந்து அவரது சடலம் கண்டுபிடிக்கப்பட்டுள்ளது.
மீட்கப்பட்ட சடலத்தில் காயங்கள் காணப்படுவதாகப் பொலிஸார் தெரிவித்துள்ளனர்.
மேலும், இச் சம்பவம் கொலையா அல்லது விபத்தா என்பது தொடர்பில் ஹொரவப்பொத்தானை பொலிஸார் மேலதிக விசாரணைகளில் ஈடுபட்டு வருகின்றனர்.
