போயிங் நிறுவனத்தால் தயாரிக்கப்பட்ட சில பி737 மேக்ஸ் விமானங்களில் மென்பொருள் கோளாறு இருப்பது கண்டறியப்பட்டுள்ளது.
இந்த மென்பொருள் பிரச்சினை காரணமாக, விமானம் தரையிறங்க முடியாத சூழ்நிலையில் தானாக விமானத்தை வழிநடத்தும் அமைப்பு செயலிழக்கக்கூடும் என தெரிவிக்கப்பட்டுள்ளது.
உலகம் முழுவதும் 2,400-க்கும் மேற்பட்ட பி737 விமானங்கள் பல்வேறு விமான நிறுவனங்களுக்கு விநியோகிக்கப்பட்டுள்ள நிலையில், இந்தியாவின் எயார் இந்தியா எக்ஸ்பிரஸ் மற்றும் ஆகாசா எயார் நிறுவனங்களிடம் சுமார் 96 பி737 மேக்ஸ் விமானங்கள் உள்ளன.
குறித்த மென்பொருள் கோளாறு தொடர்பில் பி737 விமானங்களை இயக்கும் அனைத்து விமான நிறுவனங்களுக்கும் அறிவிக்கப்பட்டுள்ளதாக போயிங் நிறுவனம் தெரிவித்துள்ளது.
மேலும், பிரச்னைக்கு நிரந்தரத் தீர்வை கண்டறியும் பணியில் போயிங் நிறுவன பொறியியலாளர்கள் ஈடுபட்டு வருவதாகவும் தெரிவிக்கப்பட்டுள்ளது.
சம்பவம் தொடர்பில் விமானப் போக்குவரத்து தலைமை இயக்குநரகம் (DGCA) இதுவரை மேலதிக தகவல்களை வெளியிடவில்லை.
