வர்த்தகக் கொடுக்கல் வாங்கல் தொடர்பான முறைப்பாட்டில் முன்னாள் பொதுப்பாதுகாப்பு அமைச்சர் டிரான் அலஸ் உள்ளிட்ட பத்திரிகை நிறுவனத்தின் பணிப்பாளர்கள், பிரதிநிதிகள் மற்றும் ஊழியர்களைக் கைது செய்ய மேன்முறையீட்டு நீதிமன்றம் தடை உத்தரவு பிறப்பித்துள்ளது.
காகிதக் கொள்வனவு தொடர்பில் வழங்கப்பட்ட பிந்தைய திகதியிடப்பட்ட காசோலைகள் காரணமாக இந்த முறைப்பாடு செய்யப்பட்டிருந்தது.
இது குற்றவியல் விவகாரம் அல்ல, வர்த்தகக் கொடுக்கல் வாங்கல் தொடர்பான சிவில் தகராறு என மனுதாரர்கள் தரப்பில் வாதிடப்பட்டது.
குற்றவியல் நடவடிக்கை எடுப்பதற்குப் போதுமான சான்றுகள் முன்வைக்கப்படவில்லை எனக் குறிப்பிட்ட நீதிமன்றம் இந்தத் தடை உத்தரவை பிறப்பித்துள்ளது.
எனினும், புதிய சான்றுகள் கிடைத்தால் மேலதிக விசாரணைகள் அல்லது சட்ட நடவடிக்கைகளை மேற்கொள்ள இந்தத் தீர்ப்பு தடையாக இருக்காது என நீதிமன்றம் தெரிவித்துள்ளது.
