(கனகராஜா சரவணன்)
காத்தான்குடி பாலமுனை கடலில் சட்டவிரோத சுருக்குவலை பாவித்து மீன்பிடியில் ஈடுபட்ட 50 இலட்சம் ரூபா பெறுமதியான 5 சுருக்கு வலைகளை கடலில் வைத்து கடற்படையினர் மீட்டு மட்டக்களப்பு மாவட்ட கடற்றொழில் நீரியல் வள திணைக்களத்திடம் நேற்று வியாழக்கிழமை (01) ஒப்படைத்துள்ளனர்.
கல்லடி கடற்படை புலனாய்வு பிரிவு பொறுப்பதிகாரிக்கு கிடைத்த தகவல் ஒன்றினையடுத்து கடற்படையினர் சம்பவ தினமான புதன்கிழமை இரவு கடலில் காத்தான்குடி பாலமுனை மீன்பிடிக்க வீசப்பட்டு இருந்த சட்டவிரோத சுருக்கு வலையை தேடி பிடித்து; 50 இலட்சம் ரூபா பெறுமதியான உரிமை கோராத 5 மீன்பிடி சுருக்கு வலைகளை மீட்டனர்.
இவ்வாறு மீட்கப்பட்ட சட்டவிரோத சுருக்கு வலைகளை மட்டக்களப்பு மாவட்ட கடற்றொழில் நீரியல் வள திணைக்களத்திடம் கடற்படையின் ஓப்படைத்தனர்
இதேவேளை மட்டக்களப்பு மாவட்டத்தில் களுவாஞ்சிக்குடி, காத்தான்குடி, பாலமுனை, தேற்றாத்தீவு, செட்டிபாளையம், களுதாவளை, களுவங்கேணி உட்பட பல பிரதேசங்களில் சுமார் 50 க்கு மேற்பட்ட சட்டவிரோத சுருக்குவலை பாவித்து மீன்பிடியில் ஈடுபட்டு வருவதாக மீனவர் சங்கங்கள், மற்றும் மீனவர்கள் முறைப்பாடு தெரிவித்து வந்துள்ளமை குறிப்பிடத்தக்கது.
