மத்திய மலை நாட்டில் தொடர்ச்சியாக பெய்துவரும் கனமழை காரணமாக 5 மாவட்டங்களுக்கு மண்சரிவு அபாய எச்சரிக்கை விடுக்கப்பட்டுள்ளது.
இதன்படி, பதுளை மாவட்டத்தின் பசறை பிரதேச செயலகப் பிரிவு, கண்டி மாவட்டத்தின் மினிப்பே, உடுதும்பறை பிரதேச செயலகப் பிரிவுகள், கேகாலை மாவட்டத்தின் தெஹியோவிட்ட மற்றும் மாத்தளை மாவட்டத்தின் அம்பன்கங்க கோரளை, ரத்தோட்டை ஆகிய பிரதேச செயலகப் பிரிவுகளுக்கு 2ஆம் கட்டத்தின் கீழ் எச்சரிக்கை விடுக்க தேசிய கட்டிட ஆராய்ச்சி நிறுவனம் நடவடிக்கை எடுத்துள்ளது.
அத்துடன், கண்டி மாவட்டத்தின் உடபலாத, கேகாலை மாவட்டத்தின் புலத்கோஹுபிட்டிய, ரம்புக்கனை மற்றும் இரத்தினபுரி மாவட்டத்தின் எஹெலியகொட, வெலிகேபொல, அயகம ஆகிய பிரதேச செயலகப் பிரிவுகளுக்கு 1ஆம் கட்டத்தின் கீழ் மண்சரிவு எச்சரிக்கை விடுக்கப்பட்டுள்ளது.
