திட்டமிடப்பட்ட குற்றச் செயல்களில் ஈடுபட்டவரும், போதைப்பொருள் கடத்தல்காரருமான பெக்கோ சமன் என்கிற நிர்மல பிரசங்கவின் 40 மில்லியன் ரூபாய் பெறுமதியான சொத்துக்களையும் வங்கிக் கணக்குகளையும் முடக்க உத்தரவு பிறப்பிக்கப்பட்டுள்ளது.
இன்று (5) முதல் 14 வேலை நாட்களுக்கு செல்லுபடியாகும் இந்த உத்தரவினை பொலிஸ் சட்டவிரோத சொத்துக்கள் விசாரணைப் பிரிவு பிறப்பித்துள்ளது.
பெக்கோ சமனுக்கு சொந்தமானது எனக் கூறப்படும் சொத்துக்களில் 20 மில்லியன் ரூபாய் பெறுமதியான அதிசொகுசு கார் ஒன்றும், இரண்டு தனியார் வங்கிகளில் உள்ள 20 மில்லியன் ரூபாய் பெறுமதியான 2 நிலையான வைப்புக் கணக்குகளும் அடங்குவதாக தெரிவிக்கப்படுகிறது.
இந்த சொத்துக்கள் நிமந்தி பொன்சேகா என்ற பெண் ஒருவரின் பெயரில் இருப்பதாக கூறப்படுகிறது.
