பாகிஸ்தானின் முல்தான் பகுதியில் கராச்சியிலிருந்து பெஷாவர் நோக்கிப் பயணித்த ரெஹ்மான் பாபா எக்ஸ்பிரஸ் ரயிலின் 14 பெட்டிகள் தடம் புரண்டதில் நால்வர் உயிரிழந்ததுடன், 49 பேர் காயமடைந்துள்ளனர். இந்த விபத்து இன்று (13) அதிகாலை ஷேர் ஷா ரயில் நிலையத்திற்கு அருகில் இடம்பெற்றுள்ளது.
விபத்தைத் தொடர்ந்து மீட்புப் பணிகள் முன்னெடுக்கப்பட்டதுடன், காயமடைந்தவர்கள் முல்தானில் உள்ள நிஷ்தார் வைத்தியசாலைக்கு அழைத்துச் செல்லப்பட்டுள்ளனர்.
சம்பவம் தொடர்பில் விசாரணை நடத்த அதிகாரிகள் நடவடிக்கை எடுத்துள்ளதுடன், ரயில் விபத்துக்கான காரணம் இதுவரை உறுதிப்படுத்தப்படவில்லை. பாதிக்கப்பட்ட பயணிகளுக்கு மருத்துவ உதவிகளை வழங்கவும், உயிரிழந்தவர்களின் குடும்பங்களுக்கு இழப்பீடு வழங்கவும் அதிகாரிகள் நடவடிக்கை எடுத்துள்ளனர்.
