கண்டி–யாழ்ப்பாணம் A009 பிரதான வீதியின் ஒரு பகுதியை அகலப்படுத்தி அபிவிருத்தி செய்வதற்காக 1.07 பில்லியன் ரூபா பெறுமதியான ஒப்பந்தத்தை வழங்குவதற்கு அமைச்சரவை அங்கீகாரம் வழங்கியுள்ளது.
தேசிய நெடுஞ்சாலைகள் அகலப்படுத்தல் மற்றும் மேம்படுத்தல் திட்டத்தின் கீழ் இந்தப் பணி முன்னெடுக்கப்படவுள்ளது. இதற்கமைய, வீதியின் 58.240 கிலோமீற்றர் முதல் 63.000 கிலோமீற்றர் வரையிலான 4.76 கிலோமீற்றர் பகுதி அபிவிருத்தி செய்யப்படவுள்ளது.
இதற்காக எட்டு நிறுவனங்கள் ஒப்பந்தக் கோரிக்கைகளைச் சமர்ப்பித்திருந்த நிலையில், தகுதியான குறைந்த விலை முன்மொழிவைச் சமர்ப்பித்த Tudawe Brothers தனியார் நிறுவனத்துக்கு ஒப்பந்தம் வழங்கப்பட்டுள்ளது.
வீதிப் போக்குவரத்தை மேம்படுத்துதல், பயண வசதிகளை அதிகரித்தல் மற்றும் பிரதான போக்குவரத்துப் பாதையின் உட்கட்டமைப்பு வசதிகளை வலுப்படுத்துதல் ஆகியவற்றை நோக்கமாகக் கொண்டு இந்தத் திட்டம் முன்னெடுக்கப்படவுள்ளது.
அமைச்சரவை அங்கீகாரம் போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சரின் முன்மொழிவின் அடிப்படையில் வழங்கப்பட்டுள்ளது.
