2026ஆம் ஆண்டுக்கான பொதுத் தகவல் தொழில்நுட்ப (GIT) பரீட்சையின் அனுமதிப் பத்திரங்களில் காணப்படும் தகவல்களைத் திருத்துவதற்காக வழங்கப்பட்ட கால அவகாசத்தை நீடிக்க இலங்கை பரீட்சைகள் திணைக்களம் நடவடிக்கை எடுத்துள்ளது.
இதன்படி, முன்னர் 2026 ஒக்டோபர் 19ஆம் திகதி நள்ளிரவு வரை வழங்கப்பட்டிருந்த கால அவகாசம், தற்போது ஒக்டோபர் 21ஆம் திகதி பிற்பகல் 4.00 மணி வரை நீடிக்கப்பட்டுள்ளது.
அனுமதிப் பத்திரங்களில் பெயர், பரீட்சை மொழிமூலம், பாலினம் உள்ளிட்ட தகவல்களில் பிழைகள் காணப்படின், நீடிக்கப்பட்ட காலப்பகுதிக்குள் அவற்றைத் திருத்திக்கொள்ளுமாறு பரீட்சைகள் திணைக்களம் அறிவித்துள்ளது.
ஒக்டோபர் 24ஆம் திகதி பரீட்சை
2027ஆம் ஆண்டு க.பொ.த உயர்தரப் பரீட்சைக்குத் தோற்றவுள்ள தரம் 12 மாணவர்களுக்காக முதன்முறையாக நடத்தப்படும் இந்த GIT பரீட்சை, 2026 ஒக்டோபர் 24ஆம் திகதி நாடளாவிய ரீதியில் நடைபெறவுள்ளது. இதற்காக நாடு முழுவதும் 1,520 பரீட்சை நிலையங்கள் ஏற்பாடு செய்யப்பட்டுள்ளன.
பரீட்சைக்குத் தோற்றும் மாணவர்கள் ஒக்டோபர் 16ஆம் திகதி முதல் இலங்கை பரீட்சைகள் திணைக்களத்தின் அதிகாரப்பூர்வ இணையத்தளமான www.doenets.lk ஊடாகத் தங்களது அனுமதிப் பத்திரங்களைப் பதிவிறக்கம் செய்துகொள்ள முடியும்.
எனவே, மாணவர்கள் தங்களது அனுமதிப் பத்திரங்களில் உள்ள தகவல்களைச் சரிபார்த்து, ஏதேனும் பிழைகள் காணப்பட்டால் புதிய காலக்கெடுவிற்குள் திருத்தங்களை மேற்கொள்ள வேண்டும்.
மேலதிக தகவல்களுக்கு:
- அவசர அழைப்பு இலக்கம்: 1911
- தொலைபேசி: 011 278 4208 / 011 278 4537
- இணையத்தளம்: www.doenets.lk
