பதுளை – பண்டாரவளை பிரதான வீதியில், பதுளை போதனா வைத்தியசாலைக்கு அருகில் இன்று (23) இடம்பெற்ற வாகன விபத்தில் இருவர் காயமடைந்துள்ளனர்.
கார் ஒன்று, இரண்டு முச்சக்கர வண்டிகள் மற்றும் கெப் ரக வாகனம் ஆகிய நான்கு வாகனங்கள் ஒன்றுடன் ஒன்று மோதியதில் இந்த விபத்து இடம்பெற்றுள்ளது.
இதன்போது, முச்சக்கர வண்டியொன்றில் அமர்ந்து பாடம் படித்துக்கொண்டிருந்த மாணவி ஒருவரும், மற்றுமொரு முச்சக்கர வண்டியின் சாரதியும் காயமடைந்துள்ளனர்.
காலை 9.15 மணியளவில் இரண்டு முச்சக்கர வண்டிகளும் கெப் ரக வாகனமும் குறித்த இடத்தில் நிறுத்தி வைக்கப்பட்டிருந்தன. இந்நிலையில், சரிவான வீதியில் பயணித்த கார், சாரதியின் கட்டுப்பாட்டை இழந்து வீதியை விட்டு விலகி நிறுத்தப்பட்டிருந்த முச்சக்கர வண்டிகள் மீது மோதியுள்ளது.
இதனால் ஒரு முச்சக்கர வண்டி முன்னோக்கித் தள்ளப்பட்டு கெப் ரக வாகனத்தின் பின்புறத்தில் மோதியதாகத் தெரிவிக்கப்படுகிறது.
சம்பவம் தொடர்பில் பதுளை தலைமையக பொலிஸாரின் போக்குவரத்துப் பிரிவினர் மேலதிக விசாரணைகளை முன்னெடுத்து வருகின்றனர்.
