தோனி மைதானத்திற்குள் வரும்போது ஏற்படும் ஆரவாரத்தை வார்த்தைகளால் விவரிக்க முடியாது – எரிக் சைமன்ஸ்

இந்திய கிரிக்கெட் அணியின் முன்னாள் தலைவர் எம்.எஸ்.தோனி மைதானத்திற்குள் களமிறங்கும்போது ரசிகர்கள் எழுப்பும் ஆரவாரத்தை வார்த்தைகளால் விவரிக்க முடியாது என சென்னை சூப்பர் கிங்ஸ் (CSK) அணியின் முன்னாள் பயிற்றுவிப்பாளர் எரிக் சைமன்ஸ் தெரிவித்துள்ளார்.

சமீபத்தில் நடைபெற்ற நிகழ்ச்சியொன்றில் கலந்துகொண்டு கருத்துத் தெரிவித்த அவர், தோனிக்கு ரசிகர்கள் வழங்கும் தனித்துவமான வரவேற்பு குறித்து புகழ்ந்து பேசியுள்ளார்.

சர்வதேச கிரிக்கெட் வீரர்களும் வெளிநாட்டு ரசிகர்களும், உலகின் வேறு எந்த விளையாட்டு மைதானத்திலும் இதுபோன்றதொரு மாபெரும் ஆரவாரத்தைக் கண்டதில்லை எனப் பலமுறை கூறியுள்ளதாக எரிக் சைமன்ஸ் குறிப்பிட்டுள்ளார்.

குறிப்பாக, சென்னை சூப்பர் கிங்ஸ் அணிக்காக தோனி விளையாடும்போது ரசிகர்கள் வெளிப்படுத்தும் உற்சாகம் தனித்துவமானது என அவர் சுட்டிக்காட்டியுள்ளார்.

தோனியின் நீண்டகால கிரிக்கெட் பயணமும், ரசிகர்களுடனான அவரது நெருக்கமும் அவருக்குக் கிடைக்கும் இந்த வரவேற்பில் முக்கியப் பங்கு வகிப்பதாகக் கருதப்படுகிறது.