ஆந்திராவை அச்சுறுத்தும் அர்னாப் புயல் – பலத்த காற்றுடன் கனமழை!

ஆந்திராவில் அர்னாப் புயலின் தாக்கம் காரணமாக நேற்று பலத்த சூறாவளி காற்றுடன் கனமழை பெய்துள்ளது.

மேற்கு மத்திய வங்கக் கடலில் உருவான குறைந்த காற்றழுத்தத் தாழ்வு மண்டலம் வலுப்பெற்று அர்னாப் புயலாக மாறியுள்ளதாக தெரிவிக்கப்பட்டுள்ளது.

இந்தப் புயல் மணிக்கு 20 கிலோமீற்றர் வேகத்தில் கரையை நோக்கி நகர்ந்து வருவதால், ஆந்திராவின் கடலோர மாவட்டங்களான விஜயநகரம், விசாகப்பட்டினம், குண்டூர், பாபட்லா மற்றும் கோதாவரி பகுதிகளில் நேற்று இரவு பலத்த காற்றுடன் கனமழை பெய்துள்ளது.

இதன் காரணமாக விசாகப்பட்டினம் கடற்பகுதியில் 20 மீற்றர் உயரம் வரை அலைகள் எழுந்துள்ளதாக தெரிவிக்கப்படுகிறது.

அர்னாப் புயல் நள்ளிரவு 2 மணி முதல் அதிகாலை 4 மணிக்குள் பாபட்லா – விசாகப்பட்டினம் இடையே யானம் அருகே கரையைக் கடக்கும் என வானிலை ஆய்வு நிலையம் தெரிவித்துள்ளது.

புயல் கரையைக் கடக்கும்போது மணிக்கு 125 முதல் 135 கிலோமீற்றர் வேகத்தில் பலத்த சூறாவளிக் காற்று வீசக்கூடும் எனவும், பல பகுதிகளில் கனமழை பெய்யும் எனவும் எச்சரிக்கை விடுக்கப்பட்டுள்ளது.

இதனால் பொதுமக்கள் பாதுகாப்பு கருதி வீடுகளை விட்டு வெளியே வர வேண்டாம் என அறிவுறுத்தப்பட்டுள்ளனர்.