இலங்கையில் எரிபொருள் விலைகள் அதிகரிப்பு – புதிய விலைகள் அறிவிப்பு!

இலங்கையில் நவம்பர் 1ஆம் திகதி நள்ளிரவு முதல் அமுலுக்கு வரும் வகையில் எரிபொருட்களின் விலைகளில் திருத்தம் மேற்கொள்ளப்பட்டுள்ளதாக இலங்கை பெற்றோலியக் கூட்டுத்தாபனம் அறிவித்துள்ளது.

இதற்கமைய, மண்ணெண்ணெய் தவிர்ந்த ஏனைய அனைத்து எரிபொருட்களின் விலைகளும் அதிகரிக்கப்பட்டுள்ளன.

புதிய விலைத் திருத்தத்தின்படி, லங்கா ஒட்டோ டீசல் லீற்றரின் விலை 5 ரூபாவினால் அதிகரிக்கப்பட்டு 397 ரூபாவாக நிர்ணயிக்கப்பட்டுள்ளது. லங்கா சுப்பர் டீசல் லீற்றரின் விலை 15 ரூபாவினால் அதிகரிக்கப்பட்டு 543 ரூபாவாக உயர்த்தப்பட்டுள்ளது.

அதேபோன்று, ஒக்டேன் 92 ரக பெற்றோல் லீற்றரின் விலை 10 ரூபாவினால் அதிகரிக்கப்பட்டு 424 ரூபாவாகவும், ஒக்டேன் 95 ரக பெற்றோல் லீற்றரின் விலை 15 ரூபாவினால் அதிகரிக்கப்பட்டு 490 ரூபாவாகவும் நிர்ணயிக்கப்பட்டுள்ளது.

எனினும், மண்ணெண்ணெய் விலையில் எவ்வித மாற்றமும் மேற்கொள்ளப்படவில்லை. அதன்படி, மண்ணெண்ணெய் லீற்றரின் விலை 285 ரூபாவாகத் தொடரும் என இலங்கை பெற்றோலியக் கூட்டுத்தாபனம் மேலும் தெரிவித்துள்ளது.

இந்த விலை அதிகரிப்பு போக்குவரத்து மற்றும் அன்றாட வாழ்க்கைச் செலவுகளில் தாக்கத்தை ஏற்படுத்தக்கூடும் என எதிர்பார்க்கப்படுகிறது.

புதிய எரிபொருள் விலைகள்