அமெரிக்காவில் இன்று (3) நடைபெறவுள்ள 2026ஆம் ஆண்டுக்கான இடைக்காலத் தேர்தல், அந்நாட்டு வரலாற்றிலேயே அதிக செலவிலான இடைக்காலத் தேர்தலாக அமையவுள்ளதாக சர்வதேச ஊடகங்கள் தெரிவிக்கின்றன.
தேர்தல் பிரசார நடவடிக்கைகளுக்காக மொத்தம் 11.9 பில்லியன் அமெரிக்க டொலர்கள் செலவிடப்படலாம் என, தேர்தல் நிதி நடவடிக்கைகளைக் கண்காணிக்கும் சுயாதீன அமைப்பான OpenSecrets கணித்துள்ளது.
இது 2022ஆம் ஆண்டு நடைபெற்ற இடைக்காலத் தேர்தலில் செலவிடப்பட்ட தொகையுடன் ஒப்பிடுகையில் சுமார் 30 சதவீத அதிகரிப்பாகும். இந்தத் தொகை தற்போதைய இறுதிச் செலவு அல்ல; தேர்தல் முடிவுகளுக்குப் பின்னர் முழுமையான கணக்குகள் வெளியாகும் எனத் தெரிவிக்கப்பட்டுள்ளது.
இம்முறை தேர்தலில் அதிக நிதி செலவிட்ட தனிநபராக கோடீஸ்வரர் எலான் மஸ்க் அடையாளம் காணப்பட்டுள்ளார். குடியரசுக் கட்சி வேட்பாளர்களுக்கு ஆதரவான அரசியல் குழுக்களுக்கு அவர் சுமார் 483 மில்லியன் அமெரிக்க டொலர்களை வழங்கியுள்ளதாகத் தகவல்கள் தெரிவிக்கின்றன.
